فكرة الربح من الانترنت
أميرة علي النشاش أكيد كثير خطرت في بالك وأنت قاعد بينك وبين نفسك الأسئلة التالية وبدك جوابها :
*شو هو الشغل الموجود على الانترنت ؟؟ على حد علمي كل الشغل على الانترنت هو برمجة وتصميم ! هو في شغل ثاني غيرهم ؟؟؟
*كيف الناس بتشتغل على الانترنت ؟
* طيب إذا اشتغلت كيف ممكن أحصل على المصاري (النقود) !؟
* شو هي الكورسات والشهادات الي لازم احصل عليها حتى أربح من الانترنت؟
* مين هدول الناس اللي بتقعد في ستاربكس وبتشرب القهوة ومعها لاب توب وبتشتغل ؟؟ كيف بربحوا عن طريق الانترنت ؟
* شو هي أفضل الطرق للربح من الانترنت وخاصة المجانية ؟؟
*كيف أستلم المصاري (النقود)بطرق مضمونة ومتاحة في بلدي ؟؟
وأكيد غيرها كثير من الأسئلة الي بتدور في ذهنك هلأ ، وعندك الشغف لتعرف كيف تربح عن طريق الانترنت ،فلا تقلق أنت في المكان الصح !
فخليك معنا حتى نجاوبك على كل الأسئلة الي ممكن تخطر في بالك هو إنه كيف ممكن تربح عن طريق الانترنت.
طيب شو المواضيع اللي رح نحكيها في هاد المقال :
شو هي فكرة الربح من الانترنت بشكل عام ؟
ما هي مجالات الربح من الانترنت المختلفة ؟
كيف تبدأ الربح من الانترتت خطوة بخطوة وبشكل عملي؟
يلا ندخل في الجد
شو هي فكرة الربح من الانترنت ؟
طيب خلينا نشوف أول كلمة من جملة “الربح من الانترنت ”
و هي الربح وبتعرف إنه الربح يتم تحقيقه من عملية البيع والشراء وهاد الشي إحنا بنلمسه من الشغل على أرض الواقع وأيضا أصبح بإمكانك تبيع وتشتري وتحقق أرباح عن طريق الانترنت بدون أي اختلاف عن أرض الواقع ولكن في فارق بسيط.
أما بالنسبة للكلمة الثانية من جملة ” الربح من الانترنت ” وهي الانترنت ، كلنا بنعرف إنه الانترنت هي أداة تواصل سريعة بين الناس وفي أي مكان بالعالم .
سؤالي لك: شو هي أهم أنواع الوظائف والأعمال الموجودة على أرض الواقع؟ يعني شو هي الوظائف والاشغال اللي أنت معتاد تسمع عنها والتي يتم من خلالها تحقيق الأرباح؟؟؟
التجارة بمختلف أنواعها ، السكرتارية ، خدمة عملاء ، الإدارة ،الطب ، الهندسة ، المحاماة و صناعة المحتوى مثل (جرايد ، اذاعة ، تلفزيون ، ترفيه )و الاعمال الوسيطة مثل السمسرة والخ من اللي بخطر على بالك من الأعمال التي تحقق لك أرباح ومال على أرض الواقع.
أكيد كل الوظائف اللي ذكرتها تعتمد على نقطة مهمة جداً وهي ” التواصل ” بين البائع والمشتري ،فهم سوف يلتقون بمكان معين ويتم التواصل بين مقدم الخدمة والحاصل على الخدمة ليحقق كل منهم الغاية الخاصة فيه .
حاليا بوقتنا الحالي ما في داعي لأن تلتقي بالشخص الآخر في مكان ما، كل الأمور والمصالح تتم عبر الانترنت وكل شيء صار يتم عن طريق كبسة (ضغطة ) زر وحدة، فمثلا أنت محتاج لأغراض من البقالة وأنت قاعد على تلفونك بتصلك الأغراض لباب بيتك.
تخيل معي كم طرف استفاد من الموضوع حسب المثال الي ذكرته :
صاحب البقالة ، والموظف اللي شغال بخدمة العملاء اللي رح يرد عليك لما ترن على البقالة ، والشخص اللي بشتغل في التوصيل ” ديلفري ” ، وانت كعميل بدل ما تلف وتعلق بالأزمة إذا كنت بالسيارة أو تحمل أغراض كثير اذا طلعت مشي على البقالة وأنت محلك وأنت مكانك بامكانك تلف المتاجر الالكترونية وتشوف ما يحلو لك من منتجات وخدمات.
فكل إضافة ضافها الانترنت لو تفكر، بتلاقي إنه هي أصلاً موجودة على أرض الواقع. رح أحكيلك بعض الأمثلة عشان توضحلك أكثر :
الصحفيين والكتاب بدل ما يكتبوا على ورق أو على الجريدة بكتب على موقع او مدونة ،
الاساتذة بدل ما يروح على مركز عشان يلتقي بالطلبة ممكن يلتقي بالطلاب أونلاين .
باختصار، الاختلاف البسيط بين الشغل على أرض الواقع والشغل عبر الانترنت إنه أنت من خلال الانترنت ما بتقابل الناس وجهاً لوجه ،بل بتقابلهم من خلال شاشة الكمبيوتر والتلفون .
كيف تبدأ الربح عن طريق الانترنت ؟ وما هي الخطوات الازمة حتى تربح من الانترنت ؟
رح أحكيلك 7 خطوات واضحة وعملية لازم تعرفها وتستخدمها خريطة لك في بداية طريقك لحتى تحقق الارباح عن طريق الانترنت.
اولا : لازم تعرف المواد الي تمتلكها
يعني لازم تفهم الإمكانيات والموارد اللي أنت تمتلكها وبتحبها وعندك خبرة فيها ، و التي من الممكن تكون هي مصدر دخل هائل لك.
وحتى إذا أنت ما عندك خبرة أو مش متعلم، استغل شغفك ومهاراتك اللي أنت بتميل إلها.
ثانيا : اعرف هدفك من العمل على الانترنت
اي شي أنت بدك تعمله، لازم تعرف أنت ليش بتعمل هيك ، يا هل ترى انت بدك تربح من الانترنت عشان
تحصل على دخل إضافي يساعدك على تحمل أعباء الحياة؟
الحصول على دخل ثابت من الانترنت حتى تترك وظيفتك؟
عندك أولاد ومش حابة تتركيهم وبدك تشتغلي من البيت؟
تستقل مادياً وما تعتمد على حد؟
بناء مشروع خاص بك للربح عبر الانترنت؟
الحصول على رأس مال لبناء مشروعك الخاص؟
بس تحدد هدفك رح تقدر تحدد الطريق الأنسب لك لحتى تربح عن طريق الانترنت بالإضافة لأنك رح تكون حذر أكثر في التعامل مع كل طرق الربح المتوفرة عبر الانترنت.
ثالثا : تعرف على الفرص المتاحة عبر الانترنت
في طرق ومجالات كثير ممكن تشتغل فيها حتى تحقق الربح عبر الانترنت
رح أذكر بشكل عام مجالات الربح من الانترنت وهي:
– مجال التجارة الالكترونية
– مجال التسويق الرقمي
– مجال صناعة المحتوى الرقمي
كل مجال من المجالات اللي ذكرتها فيه فرص مختلفة وتقدر تستغلها لحتى تربح من الانترنت
رابعا: اتعلم أساسيات الربح من الانترنت
أكيد أنت حابب تعرف كيف تستلم أرباحك من الانترنت أول حتى كيف تدفع المصاري (النقود)
طيب، إحنا بأكاديمية إي أميرا www.eamira.com بنوفر دورات عملية تدريبة مسجلة مسبقًا عبر موقعنا بنعلمك فيها كمبتدىء لحد الاحتراف في مجالين من المجالات اللي ذكرتهم سابقاً، وهي مجال التجارة الإلكترونية ومجال التسويق الإلكتروني.
وحتى تكون فاهم كل شيء بدور حوليك من عمليات البيع عبر الانترنت كمبتدى، انصحك بأنك تحضر الفيديوهات التالية لحتى تتعرف على أهم المفاهيم والمصطلحات اللي رح كل يوم تشوفها بوجهك
زي مثلا:
وغيرها من المصطلحات الموجودة في مجالات الربح عبر الانترنت الي ذكرتهم واللي لازم تتعرف عليها وإذا عرفتها رح تتفوق وتحقق أرباح أكثر.
خامسا : اختار الطريقة المناسبة لك وابدأ فيها
زي ما حكيتلك كل واحد فينا عنده إمكانيات وقدرات وشغف بختلف عن الثاني ففي أول تجربتي على الانترنت بدأت بأي طريقة بعرف إنه من خلالها بربح عن طريق الانترنت لكن للأسف خسرت كثيير من الوقت والمال وضيعت على حالي فرص لو عرفتها من الأول كان كسبت أكثر ولكن هاي العثرات بعد سنين وهدر مال زي ما حكيتلك تعلمت منها فلا تقع في نفس غلطتي.
سادسا : حاول أن تربح1 $ على الاقل
اذا بتعرف تكسب 1 $ فانت رح تعرف تكسب 5 و 10 و 1000 $ حتى ، فعشان هيك في البداية لا تفكر في مئات الدولارات الي ممكن تحققها وتربحها من الطريقة اللي أنت اخترتها على الانترنت ولا تختار طريقة عشان أرباحها أكثر من غيرها ، إذا فكرت هيك ممكن تفشل فشل كبير وإذا نجحت أنت ما رح تستمر، أنا ما بحبطك لكن الكلام اللي بحكيه بناء على تجربة وخبرة ، بلش حبة حبة مثل الطفل الصغير في بداية تعليمه المشي واطلع السلم درجة درجة ،واستخدم اقصى طاقتك لتحقق أقل مكسب ممكن من الطريقة اللي اخترتها وظلك كرر اللي عملته حتى تكسب أكثر وأكثر ، مع الوقت رح تلاقي نفسك بتتطور وبتحقق مكاسب كبيرة جداً.
سابعا : لا تستسلم
في ناس بتكسب من الانترنت من بيع جذوع الأشجار أو بيع فيديو أسرار طبخة معينة او بيع فضلات الحيوانات
مثل ما في أرض الواقع ناس بتشتغل عدد من الساعات لتحقق 100%وناس في ساعة واحدة فقط تحصل أي بتكسب 1000$ وأيضا على الانترنت نفس الحال كل شي بعتمد على إمكانيات الشخص ووقته وجهده ، فلا تستسلم. ممكن ما تكسب من أول يوم أو أول أسبوع أو حتى شهر وممكن إذا اخترت مجال بحتاج فلوس تخسر شوي من راس مالك لكن في النهاية رح تحقق الأرباح عن طريق الانترنت ورح تحكي لكل أصدقائك عن قصة نجاحك.
فأهم شي إنك تؤمن بنفسك وبقدراتك و تتعلم من أخطائك وحتى اذا اخترت طريقة أو مجال صعب عليك لحتى تربح من الانترنت، لا تستسلم.
واذا اخترت طريقة حسيت انها مش مُجدية او صعب عليك، لا تغيرها طوالي أعطي لنفسك وللطريقة فرصة على الأقل 3 شهور،
وأهم نقطة في الوجود كله لا تقارن نفسك مع أي حد بالعالم كله، قارن نفسك مع نفسك ،ولا تتطلع على الأشخاص اللي إلهم فترة بربحوا عن طريق الانترنت، لأنه هما أخذوا الوقت الكافي لحققه الخبرة اللي عندهم فاصبر لحتى تصل للمكان اللي بدك اياه.
وإذا انت لساتك في أول الطريق، لسه الطريق قدامك ورح تتعلم كثير لحتى تصل للنقطة والهدف اللي أنت متخيله، المهم اصبر وكمل بالطريق ولا تتراجع.
الخاتمة
مش رح أطول عليكم أكثر، وهيك أنا كتبتلكم بشكل بسيط وبكلام سلس فكرة الربح من الانترنت، الي هي عبارة عن فرصة قوية للشباب اليوم لحتى يبدعوا ويحققوا اللي برغبوا فيه ويتركوا بصمتهم.
تدقيق لغوي:
أريج فايز أبو النور
